LEGAZPI CITY – Nasa ikaanom na pwesto ngunyan an Bicol Region sa partial asin unofficial results kan medal tally sa nagpapadagos na Palarong Pambansa 2023 sa Marikina Sports Center.
Sa nakuang impormasyon kan Brigada News FM Legazpi, igwa nang tulong golds an rehiyon, anom na silver asin duwang bronze sa kompetisyon.
Sa giraray, nangengenotan an Region 4-A o an Southern Tagalog CALABARZON Athletic Association na may onseng gold, pitong silver asin apat na bronze.
Suminunod an Central Luzon o Region III na may walong gold, apat na bronze, asin anom na silver.
Pantulo an NCR na may pitong gold, onseng silver asin siyam na bronze.
Nasa ikaapat man na pwesto an Region 11 o Davao Region Athletic Association na may anom na gold, sarong silver asin tulong bronze.
Mantang, panlima an Region 6 o Western Visayas na may apat na gold, anom na silver asin pitong bronze.
Mientrastanto, an enot na gold medal kan Bicol, gikan sa Masbate na binistong si Bianca Gebildagiun sa kawat na Javelin Thrown sa secondary gilr’s division.
Panduwang gold medal, gikan sa Sorsogon na si Rose Jane Barcelona para sa Long Jump Elementary girls division.
