MIHIMO og ubang lakang ang National Telecommunication (NTC) 12 sa pipila ka bahin sa rehiyon human nga kutob na lamang petsa 25 sa kasamtangan bulan ang SIM card registration.
Matud ni NTC-12 Regional Director Engr. Froilan Jamias nga nakigpagkoordinasyon sila sa uban nga ahensya sa gobyerno ug mga lokal nga opisyal sa matag syudad ug munisipyo sa rehiyon-12 alang sa lakang nga pagabuhaton tungod daghan pa nga mga residente ang wala nakarehistro sa ilang mga SIM card.
Hangyo sa opisyal sa adunay kahibalo nga tabangan ang kadtong walay kalaam labi pa sa mga edaran. Posible usab ning adlawa adunay mga personahe sa mga telecom company nga maglibot sa mga nagkadaiyang lugar alang sa SIM registration.
Gikabutyag sa opisyal nga adunay nahibilin nga mga oras sa wala pa nakarehistro aron nga dili mabasura ang ilang mga SIM. Kahibaloan nga hangtud na lang Hulyo 25 ang lugway nga gihatag alang sa sim card registration. I Richel Gubalani
