LEGAZPI CITY – Nagsagawa ng Psychosocial Care & Protective Session ang Daraga Municipal Social Welfare and Development Office (MSWDO) para sa mga evacuees sa nasabing bayan.
Ang naturang aktibidad ay isinagawa sa Gabawan Elementary School, Daraga Evacuation Center at sa Anislag Relocation Site.
Ilan sa mga tinalakay ay ang Republic Act No. 9262 o ang Violence Against Women and their Children para sa mga kababaihan, Self-Awareness para sa mga haligi ng tahanan, Mental Health Awareness and Leadership Empowerment para sa mga kabataan at Children Rights and Self-Awareness and Child Abuse naman para sa mga bata.
Sa ngayon, patuloy ang ginagawang hakbang ng opisina upang maprotektahan at tiyakin ang kaayusan ng pamumuhay ng mga inilikas sa bayan.
