Ginlunsar sang Angat Buhay ang Angat Bayanihan Volunteer Network sa Capiz sa pagpanguna ni Angat Buhay Chairperson Atty. Leni Robredo kag Capisnon nga si Ms. Judith Azarcon Marquez, Chairperson sang One Capiz Volunteer Group.
Ang Angat Bayanihan amo ang Volunteer Program sang Angat Buhay para sa mga gusto maghatag ukon magpakigbahin sang ila oras, talento, boluntaryo nga bulig kag serbisyo sa mga pumuluyo ilabi na sa tion sang kalamidad kag emerhensya.
Isa ka Angat Bayanihan Launching ang ginpatigayon kag nagrepresentar sa amo nga kahiwatan si Mrs. oanne Dadivas ang tiayon ni Mayor Ronnie Dadivas para ipaabot ang pagpasalamat sang syudad sa tanan nga indibidwal sa likod sini nga Volunteer Network nga mangin isa man sa katuwang sang gobierno sa pagbulig sa mganagakinahanglan.
