Pormal nga ginturn-over sang lokal nga gobyerno sang Tapaz ang bag-o nga Child Development Center sa Barangay Daan Sur, Tapaz, Capiz.
Ginpatigayon ang blessing kag turn-over ceremony sang nasambit nga center sa pagpanguna ni Mayor Roberto Palomar, Municipal Administrator Milagros Palomar pinaagi kay Mr. Stephen Faeldin kag Municipal Engineer Victorio Jiminez.
Nagtambong man sa kahiwatan ang personnel gikan sa Municipal Social Welfare and Development Office, Barangay Official sang amo nga barangay kag mga pumuluyo.
Nangin posible ang konstruksyon sang Child Development Center sa pagpanikasog sang mga Municipal Official nga ginpondohan sa idalum sang Gender and Development Fund sang banwa.
