Gilantaw karon ang tulo ka posibleng motibo sa pagpusil-patay sa SK Federation President nga si Maco Davao de Oro Hon. Jorlan Bon Sacay.
Gibutyag ni Police Regional Office XI spokesperson Catherine dela Ray nga ang mga gilantaw karon ni Lt Col Emerson Pugong, hepe sa Maco Municipal Police Station nga mga posibleng motibo sa krimen mao ang kalambigitan sa iyang trabaho, personal grudge o politika.
Kahinumdoman nga duna nay gimugna nga Special Investigation Task Group kon SITG alang sa hinanaling kasulbaran sa maong krimen.
Gani, duna na say gitanyag nga P2.5 Million reward money alang ngadto sa makatudlo o makahatag og impormasyon kung si kinsa ang mipusil-patay sa Sk Federation President.
