Ibinunyag ni Senate President Juan Miguel Zubiri ang resulta ng Pulse Asia survey na nagsasabing ang karamihan sa mga Pilipino ay pumapabor sa pakikipag-ugnayan at pakikipagtulungan ng Pilipinas sa US sa gitna ng kaguluhan sa South China Sea.
Ayon kay Zubiri, lumalabas na 75% mula sa Pulse Asia Poll ang may kagustuhang palakasin ang koneksyon sa pagitan ng dalawang bansa sa gitna ng tensyon sa West Philippine Sea.
Samantala, 14% ang nagsasabing hindi sila sang-ayon sa naturang pakikipag-ugnayan; 2% ang nagsabing wala silang sapat na kaalaman para magbigay ng opinyon; habang 8% naman ang nagsabi ng hindi sila makapagbibigay ng pahayag hinggil sa usapin.
Ayon sa senador, pinatutunayan ng datos na karamihan sa mga Pilipino ay bukas at tinatanggap ang suporta mula sa militar ng Amerika.
