LEGAZPI CITY – Nagsagawa ang Local Youth Development Office (LYDO) ng Daraga, Albay ng Psychosocial Activities Caravan para sa mga evacuees ng Bulkang Mayon sa nasabing bayan.
Layunin nitong mabawasan ang stress at problemang kinakaharap ng mga inilikas habang pansamantalang nananatili sa evacuation centers.
Katuwang ng nasabing opisina sa pagsasagawa ng programa ang Red Cross Youth, Albay Young Farmers Organization, Pag-asa Youth Association of the Philippines (PYAP) Daraga Chapter at Leaders Interconnective Coalition (LINC) Philippines.
Kabilang ito sa iba pang mga aktbidad na nakatuon sa mga inilikas tulad ng film showing, art session, welfare assistance at pagsasagawa ng laro ng lahi para sa mga kabataan.
