Nagpaguwa makarun it paandam ro regional director it DSWD Field Office VI nga owa ginatolerar ro mga fixer sa DSWD Field Office VI ag pagapasakaan it kaso ro mga raya sa oras nga maaresto.
Gin isyu ro nasambit nga warning matapos ma-entrap ro sangka indibidwal sa sangka operasyon nga ginapangunahan it PNP nga nagresulta sa pagkaaresto sa sangka ginapatihan nga fixer sa pagpatuman it ahensya it Assistance to Individuals in Crisis Situation (AICS) sa Molo, Iloilo City.
Suno kay Atty. Carmelo Nochete, regional director, owa it lugar ro mga fixers sa DSWD ag paga kasuhan ro mga raya sa oras nga may mabiktima sanda nga tawo.
Ginhayag man it regional director nga pagapasakaan it andang ahensya it criminal case ro ginasugid nga fixer. // ANN DESLENE SALAZAR
