Yuhum ang nakit-an sa nawong sang mga BHW, BNS kag BSPO sa banwa sang Dumalag, Tapaz kag Jamindan matapos nga ila mabaton ang special risk allowance sang tinalikdan nga Miyerkules, Hulyo 5.
Suno kay Governor Fredenil Castro, masyado kagamay ang ginabaton nga honorarium nga duha kabeses kada tuig sang aton mga BHW, BNS kag BSPO, rason nga sya nagpangita sang paagi para madugangan ini bangod importante ang papel nga ila ginadala para sa ikaayong lawas sang pumuloyo.
Sa banwa sang Dumalag, may yara sang 334 tanan nga Barangay Health Workers (BHW), Barangay Nutrition Scholars (BNS) kag Barangay Service Point Officers (BSPO) ang nagbaton.
Sa banwa sang Tapaz, 563 kag sa Jamindan may yara sa 445 ang nagbaton man.
Yari man diri ang presensya nanday 2nd District Congresswoman Inday Baby Jane Castro, Vice Governor James “Mitang” Magbanua, Mayor Maria Concepcion ”Khuku” Castro, 2nd District Deputy Administrator, Rose Gardose, Board Member Cecilio Fecundo, Board Member Elmer Arevalo, Dr. Ramon Alex Nolasco- Provincial Health Officer, Executive Assistant Rio Garcia, Vice Mayor Romel Somo, Jacqueline Laurino kag SB Memebrs sang nasambit nga mga kabanwahanan.
