HINDI bababa sa sampung katao ang sugatan at isa ang patay matapos tumama ang 6.4 magnitude na lindol sa isla ng Java sa Indonesia nitong Biyernes ng gabi.
Ang pagyanig ay nagdulot ng bahagyang pinsala sa daan-daang bahay , mga pasilidad, mga ari-arian at paaralan sa rehiyon ng Yogyakarta at Central Java Province.
Samantala, sinabi naman ng Geophysics Agency ng Indonesia na may 25 kilometro (15 milya) na lalim ang naganap na lindol, kung kaya’t nakaramdam din ng mahinang pagyanig ang ilang karatig lungsod ng isla.
Dagdag pa ng ahensya, walang anumang babala ng tsunami sa lugar matapos ang pagyanig.### HARLIN LUMIBAO, Intern
