Pastor, arestado sa kasong rape

Arestado ro sangka wanted person sa kasong rape sa Sitio Atasun, Brgy. Naisud, Ibajay, Aklan kabii.  

Ginkilaea ro inarestong si Nolie Legaspe, sangka pastor ag taga Brgy. Aglalana, Dumarao, Capiz.

Naaresto raya it gintingob nga pwersa it 2^nd Capiz Mobile Force Company, 3^rd Maneuver Platoon, 2^nd Aklan Police Mobile Force Company, Ibajay Mps, Dumarao Mps ag Mambusao Mps.

Ginserbi sa akusado ro warrant of arrest para sa nasambit nga kaso nga gin-isyu ni Hon. Esperanza Esavel E. Poco-Deslate, Presiding Judge RTC Branch 19, 6^th Judicial Region Roxas City Capiz ag owa it ginrekomenda nga piyansa para sa anang temporaryong kahilwayan.  

Sa makarun hay sa kustodiya eon raya it Mambusao PNP ag nakataeana nga i-turn over sa korte. // ANN DESLENE SALAZAR

BNFM Kalibo