Nipadayag sa ilang suporta ang Department of Health (DOH) sa sugyot nga patas-an ang buhis sa softdrinks ug junk foods.
Matud sa DOH nga ang nagsugyot niini mao ang Department of Finance (DOF) ug Department of Budget and Management (DBM) diin matud pa makatabang kini sa paghatag og dugang pundo sa Universal Health Care (UHC) program.
Nagtoo usab ang ahensya nga makatabang kini sa pagpakunhod sa pagkunsumo sa publiko sa dili healthy nga mga pagkaon ug ilimnon.
Sama nalang sa pagpataas ug buhis sa ilimnong makahubog ug mga produkto sa tabako, nga naghatag sa DOH og dugang salapi alang sa mga programa sa panglawas.
Lakip sa pahamtangan ug buhis mao ang pre-packaged nga mga pagkaon nga kulang sa nutritional value ug naggamit ug mga artificial sweetener.//
