Posible pa ring umabot sa six-kilometer permanent danger zone ang pagdaloy ng lava mula sa patuloy na “effusive eruption” ng Bulkang Mayon.
Ayon kay Philippine Institute of Volcanology and Seismology (Phivolcs) Officer-in-Charge (OIC) Teresito Bacolcol, nasa 2.5km mula sa crater ang lava flow at kapag hindi ito tumigil ay maaari na itong umabot sa six-kilometer permanent danger zone.
Sa kabila niya, umaasa si Bacolcol na dahil mabagal pa ang pag-agos ng lava sa ngayon, hindi ito makararating sa permanent danger zone.
Masyado aniyang mabagal ang pagguho ng lava o 350 meters kada-araw lamang, at kung minsan nga raw ay hindi ito umuusad.
Paglilinaw ng opisyal, wala pa silang nakikitang indiskasyon na ang danger zone ay dapat palawakin pa sa 7 kilometro//SMM
