Kinumpirma ni Brgy. Kapitan Lourdes Reyes it Tinigao, Kalibo nga may naga petisyon sa slaughterhouse sa nasambit nga lugar.
Sa interview it Brigada News FM Kalibo kay Kapitan Reyes, ginareklamo it kapin sa 40 petitioners ro mabaho nga hugom bangud sa basura nga halin sa slaughterhouse bangud nag abot eon segun sa daywang dominggo nga owa napick-up ro basura igto.
Pero ginklaro ni Kapitan nga may truck sa slaughterhouse nga kung mapuno eon it basura hay pagaboe-on raya it LGU ag ihaboy sa dumping site.
Naintindihan segun ni Reyes ro mga nagareklamo bangud prayoridad nana ro ikamayad nga eawas it anang pumueuyo sa Brgy. Tinigao. // ANN DESLENE SALAZAR
