Nagreklamo sa Kalibo MPS ro sangka 22yo nga eaeaki nga ginasugid nga nabiktima it scam it sangka nagpakilaea nga taga Land Transportation Office (LTO).
Sa reklamo kara, may sang dominggo eon imaw nga nakipag-transaksyon sa messenger sa sangka certain Michael Delos Santos nga nagpakilaea nga taga LTO.
Ginpromisahan segun imaw kara nga imaw ro maga-process it driver’s license it complainant basta magbayad segun raya it P10,000.
Ku June 12 hay nagpadaea segun imaw it P10,000 pinaagi it GCash account ni Delos Santos ag ka’t agtunan kara ro LTO hay dikara nana nakumpirma nga bukon gali it empleyado it LTO si Delos Santos. // ANN DESLENE SALAZAR
