Arestado kaina it agahun ro sangka eaeaki matapos raya nga serbihan it search warrant bangud sa pag eabag sa RA 10591 o Comprehensive Laws on Firearms and Ammunition.
Ginkilaea ro inarestong si RONNY NINGAL y NABALDE, 58yo it Brgy. Alaminos, Madalag, Aklan, nga ginasugid nga dating CAFGU.
Ginkasa ro operasyon it gintingob nga pwersa it CIDG Aklan PFU, 1st Aklan PMFC, NISGC NAVFORCEN ag Madalag MPS.
Narekober sa suspek ro sangka unit it M16A1; sangka empty magazine para sa M16A1; (28) live ammunitions para sa M16AI; sangka empty magazine it shotgun; 3 empty shell it .38 revolver; sangka empty shell it .45 caliber pistol; sangka empty shell it 9mm caliber pistol; sangka color blue empty ammunition ag sangka color white leather sling bag.
Ro inarestong suspek hay naka kustodiya eon sa Madalag MPS para sa nagakaigu nga disposisyon. // ANN DESLENE SALAZAR
