LEGAZPI CITY – Bumaba sa walo ang mga nagpositibo sa COVID-19 sa lalawigan ng Albay ayon sa pinakahuling datos ng Department of Health (DOH) Bicol.
Batay sa tala ng ahensya, ito ay katumbas ng 0.26%, kung saan dalawa ang naitala sa Legazpi City, habang pawang tig-iisa naman sa Daraga, Malinao, pio Duran, Polangui, Tabaco City at Tiwi.
Wala namang naiulat na bagong gumaling o pagkasawi sa nasabing lalawigan.
Matatandaan, noong nakaraan, pumalo sa 14 ang mga kaso mula sa isang kaso na naitala.
Patuloy pa rin naman ang abiso ng ahensya, kasabay ng Albay Provincial Health Office na sundin ang mga ipinatutupad na health protocols at magpabakuna upang maiwasan na ang pagkalat ng COVID-19.
