Iniimbestigahan pa ng pulisya ang pagkamatay ng isang lalaki na nakitang palutang-lutang sa ilog ng Purok Duongan, Brgy. Irawan, Puerto Princesa City.
Ayon sa Police Station 2, nakita ito ng concerned citizen na si Jessica Hamora bandang alas-kwatro nitong Linggo, May 21.
Kalaunan ay kinilala ito sa pangalang “Ardy Casuncad Tañeza”.
Nagtulong-tulong umano ang mga barangay tanod na iangat ang katawan ng lalaki mula sa tubig.
Gayunman, walang nakitang mga sugat sa katawan nito.
Samantala, hindi na naglabas ng iba pang mga detalye ang pulisya tungkol sa insidente.
