Naaresto kabii ro sangka high value indibidual o HVI sa ginkasa nga drug buy-bust operation it Station Drug Enforcement Team it Iloilo City Police Station 6 sa Brgy. Sto. Niño Norte, Arevalo, Iloilo City.
Ginkilaea ro drug suspek nga si alias “Michael/Nanak”, 23 anyos, residente it Brgy. Balantang, Jaro, Iloilo City.
Nadakpan ro subject person matapos raya nga magbaligya it sangka mabahoe nga sachet it suspected shabu nga nagabalor it P20,000 sa poseur-buyer.
Narekober man ro daywang sachets it suspected shabu, 1 smart phone, 1 coin purse nga kulay green, ag P300.00 nga cash proceeds.
Nagaabot sa mas o menos 15 grams it shabu nga ginaboebanta nga nagabalor it P102,000 ro narekober sa buy-bust.
Kulong eon sa Arevalo Police Station ro naarestong suspek ag magapangatubang sa kasong pag eabag sa R.A. 9165 o Comprehensive Dangerous Drugs Act of 2002. // ANN DESLENE SALAZAR
