CAMARINES NORTE- Nakatanggap na ng payout ang kabuuang 736 na DOLE Tupad Workers sa bayan ng Labo Camarines Norte
Naganap yan noong ika-24 ng abril taong kasalukuyan sa apat na barangay sa nasabing bayan. Kabilang d’yan ay ang Tulay Na Lupa, Submakin, San Antonio at Exciban
Ang DOLE Tupad ay programang Tulong Panghanapbuhay sa Ating Disadvantaged/Displaced Workers ng Department of Labor and Employment (DOLE).
Nagkakahalagang tig-P3,650 ang natanggap ng bawat isa kapalit ng kanilang 10 araw na pagtratrabaho sa kanilang barangay sa pamamagitan ng “community service work”.
Samantala, nakahanay na rin sa mga susunod na araw ang para naman sa mga bayan ng Jose Panganiban, Paracale, Capalonga, Sta. Elena at bayan ng Labo.
