Tingkagol karon sa Carmen Police Station 4 ang 21-anyos nga lalaki homan nagpaila nga miyembro sa militar sa 4th Infantry Division, Philippine Army.
Sumala ni 4th ID, PA spokesperson Major Francisco Garello Jr, giila ang dinakpan nga si Christopher Narca Paculanan, 21-anyos, residente sa Upper Carmen ning syudad sa Cagayan de Oro.
Gisita matud pa sa sakop sa militar ang suspek nga nagsuot og athletic military uniform ug didto nasuta nga dili kini organic member sa Philippine Army. Dugang pa ni Major Garello nga nakadawat sila og reklamo niadtong miaging tuig nga duna matud pa mga nailad nga mga aplikante sa mga ingun ini nga modus.
Gumikan niini, hugot karon ang panawagan sa kadagkoan sa 4th ID, PA ngadto sa publiko nga ireport gilayon sa ilang buhatan ang mga indibidwal nga gahimo sa dautang aktibidad gamit ang pagpaila nga miyembro sa armadong kusog sa nasud.
Kasong paglapas sa Article 179 sa Revised Penal Code kon Illegal Use of Uniforms and insignia ug Usurpation of Authority ang ipasaka batok sa 21-anyos nga dinakpan.
