CAMARINES NORTE- Patuloy na nagsasagawa ng Information Campaign at monitoring ang MDRRMO-DAET sa bagasbas beach upang matiyak ang kaligtasan ng mga Beachgoers
Inaasahan kasi ng MDRRMO-DAET na sa kabila ng pagtatapos ng Semana Santa kahapon, ay marami pa ring mga turista ang pupunta at maliligo sa lugar. Ito ay sa kabila ng mga insidente ng mga namatay sa pagkalunod kamakailan sa pagdiriwang ng Semana Santa.
Isa na dyan ang pagkalunod ng isang 21 anyos na babae mula sa bayan ng Daet habang naliligo sa Bagasbas beach noong Biyernes Santo. Nadala pa umano ito sa CNPH pero ideneklarang dead on arrival ng doktor.
Matatandaang sa panayam ng Brigada News FM-Daet kay MDRRMO officer Santiago Mella noong ika-3 ng Abril, nagpaalala ito na bantayan ang mga kasama kung pupunta sa mataong lugar kagaya ng bagasbas beach. May mga signages din umano sa lugar upang maiwasan ng mga turista ang delikadong parte ng dagat.
