Humiling si Negros Oriental 3rd district Rep. Arnolfo “Arnie” Teves Jr. na makausap si Pangulong Ferdinand “Bongbong” Marcos Jr.
Sa kanyang facebook video message, hiniling ni Teves na makausap ang Pangulo upang maipaliwanag ang kanyang panig sa mga issue na kanyang kinasasangkutan.
Nilinaw din ng mambabatas na ang kanyang ipapaliwanag ay walang kinalaman sa pagkamatay ni Gov. Roel Degamo.
Una na niyang sinabi na ang plano sa kanya ay may kinalaman naman sa online sabong.
Tumangging umuwi ang kongresista dahil sa takot aniya sa kanyang buhay, na sinasabing may ilang personalidad sa gobyerno ang nago-operate laban sa kanya.
Ngunit sa kanyang huling mensahe, inamin nito na magiging mas mahirap na tanggihan ang panawagan ni Pangulong Marcos Jr., na bumalik na siya ng Pilipinas.//CA
