LEGAZPI CITY – Kinumpirma ng Philippine Drug Enforcement Agency (PDEA) Albay na drug-cleared na ang ilang mga barangay sa lalawigan batay sa isinagawang deliberation and declaration of drug-cleared/drug-free barangays.
Sa panayam ng Brigada News FM Legazpi kay PDEA Albay head, Noel Briguel, inihayag niyang dalawang barangay sa Tabaco City ang idineklarang drug-cleared na at ito ay ang Brgy. Bazud at Brgy. Cormidal; Brgy. Ilaor Sur mula sa Oas, at Brgy. Buyo rin sa Manito.
Aniya, ang aktibidad ay nagresulta sa pagdadagdag ng mga naunang idineklarang drug-cleared barangay.
Sa datos ng nabanggit na ahensya, mayroon nang idineklarang 553 na mga barangay mula sa 625 drug-affected barangays noong administrasyong Duterte. Samantala, sa ngayon ay mayroon na lamang na 72 barangays sa lalawigan ang iaapply sa regional oversight committee upang maideklara na ring drug-cleared.
