Nakalinya na ngayong katapusan ng taon ang pagtatayo ng 32 kilometrong tulay na magkokonekta sa Cavite at Bataan.
Ayon kay Public Works and Highways Secretary Manuel Bonoan, P175 bilyon na pondo ang inilaan sa Bataan-Cavite bridge project sa pamamagitan ng Official Development Assistance mula sa Asian Development Bank.
Ang naturang inter-island bridge ay mayroong apat na lane na tatawid sa Manila Bay hanggang Corregidor Island.
Target ng gobyerno na matapos ang konstruksyon sa loob ng limang taon at mapakinabangan agad ng mga motorista.
Dahil dito, sa halip na limang oras ay magiging dalawang oras na lamang ang biyahe o travel time sa naturang mga lugar.
