Sugatan ang isang lalaki na si Hernanie Dequiña Talorong, 50 anyos matapos na saksakin ng nakababatang kapatid sa Brgy. Calategas, Narra, kaninang alas-singko y medya ng umaga.
Kinilla ang suspek na si Alvin Dequiña Talorong 44 anyos na residente rin sa Calategas, Narra.
Base sa imbestigasyon ng Narra PNP, dumalo ang magkapatid sa isang birthday party sa kanilang kapitbahay at doon sila nag-inuman bago nag-away.
Hinampas umano ni Hernanie si Alvin ng isang platic na upuan kaya inundayan siya nito ng saksak ng kutsilyo sa tiyan ng isang beses.
Agad na isinugod sa ospital ang biktima habang ang suspek ay tumakas.
Samantala, isa sa tinitingnan na dahilan ng pag-aaway ng dalawa ay tungkol sa kabuhayan nila bilang mangingisda.
