Nagliyab ang isang bus ng EDSA carousel busway sa Makati City kahapon.
Nangyari ang insidente bandang alas-9 ng gabi malapit sa corner ng EDSA at Ayala Avenue.
Ayon sa drayber ng bus, una niyang nakita ang usok bago ang pagliyab kaya agad niyang itinigil ang bus at binuksan ang pinto.
Nagmadaling makalabas ng sasakyan ang pasahero na nagdulot na ng pagtutulakan, dahilan upang masugatan ang dalawa nitong sakay.
Ayon sa representative ng BovJen Bus Company, nadala na ang naturang mga pasahero sa ospital.
Patuloy naman ang isinasagawang imbestigasyon ng Bureau of Fire Protection – Makati City upang matukoy ang pinagsimulan ng sunog. (MANIBELA PHOTO)
