Muling nanawagan si Senator Risa Hontiveros sa kanyang panawagan para sa overhaul ng Bureau of Immigration (BI) sa gitna ng alegasyon na may ilan sa kanilang personnel ay sangkot sa human trafficking syndicates.
Sa pagdinig ng Senate Committee on Women, Children, Family Relations and Gender Equality, na pinamumunuan ni Hontiveros, binigyang diin nito, na hindi pa masawata itong napakalaking human trafficking operations ng mga sindikatong Chinese.
Binigyang diin ng senadora, na ang BI dapat ang pagiging “last line of defense” laban sa human trafficking.
Sa gitna nito, tinagurian ni Hontiveros ang naturang human trafficking scheme bilang “modern-day slavery.”
Dagdag ng mambabatas, na kasangkapan din umano sa naturang scheme ang mga social messaging platforms gaya ng Facebook, Telegram, at WhatsApp, maging ang mga dating applications.
