GILAUMAN ni PLt Col Jennifer Molina, hepe sa Alabel Police Station nga madakpan pa ang ubang akusado sa syndicated estafa tungod sa investment scam nga ALAMCO.
Kini human maaresto si Albert Cagang sa CIDG-region 8 tungod sa warrant of arrest sa kapin 60 counts sa syndicated estafa.
Gi-turn over sa Alabel Municipal Police Station ang dinakpan ug karon ginahulat na lamang ang commitment order aron mabalhin sa provincial jail.
Sa karon gibutyag ni Molina usa pa lang sa 80 ka mga anaa sa warrant of arrest ang nadakpan ug gilauman nga sa pakig-alayun sa ubang mga police station, madakpan ang uban pa.
Ang founder sa ALAMCO nga si Pastor Jerson Cagang ang padayun pang atlarge ug giangkon ni Molina nga gina-monitor nila ang mga anaa sa warrant of arrest sa tabang sa mga kapulisan sa nasud.
