Binigyang diin ng Commission on Election na wala umanong dahilan para ipagpaliban ang nalalapit na Barangay and Sangguniang Kabataan Elections (BSKE), dahil on track na lahat ang kanilang paghahanda.
Ayon kay Comelec chairman George Garcia, 100% nang handa ang Comelec para sa naturang halalan.
Dagdag ni Garcia, kompleto na ang pagbili ng election paraphernalia, at 50% sa 91 million ballots na kinakailangan ay naimprinta narin.
Ang printing at verification naman ng mga balota ay makokompleto sa ikalawang linggo ng Pebrero.
Sa ngayon, nasa 1.028 million Filipinos na ang nakapagparehistro sa nagpapatuloy na registration, na magtatapos sa Jan. 31.
Kaugnay nito, inaasahan ng poll body ang 1.5 million hanggang 2 million na mga karagadagang botante para sa BSKE.
