Natanggap na ng mga magsasaka sa Tarlac ang kanilang fertilizer vouchers mula sa Department of Agriculture.
Ang pamamahagi ng voucher ay sa ilalim umano ng Rice Banner Program ng DA.
Ang mga benepisyaryo ay mga magsasakang nagtanim ng palay sa 2022 Wet Season na isinumite ng munisipyo o lungsod, at nakatanggap ng binhing palay mula sa Kagawaran ng Pagsasaka para sa Gitnang Luzon, at rehistrado sa Registry System for Basic Sectors in Agriculture.
Samantala, magagamit ang voucher bilang pambili ng abono sa mga partner accredited fertilizer merchants na malapit sa kanilang lugar.
