Isaeang lola, patay matapos maligsaan it isaeang pick-up truck

Patay ro isaeang magueang nga babae matapos maligsaan it pick-up truck sa Barangay Estefania sa Bacolod City ku Dominggo.

Kinilaea ro biktima nga si Cecilia Valentino, 64-anyos, it Barangay Minoyan, Murcia, Negros Occidental, nga nagaubra bilang kasambahay igto.

Read More:  CIDG seizes ₱2.42 million worth of undocumented ukay-ukay in Bacolod

Hinambae ni Police Chief Master Sergeant June Garong, traffic investigator it Police Station 4, nga gatabok sa karsada ro biktima kat uwa imaw hapan-uhan it driver ku sasakyan.

Dinaea ro biktima sa Metro Bacolod Hospital, galing gin deklara rayang dead on arrival.

Read More:  Himamaylan sends final demand to contractors over P398M delayed projects

Hinambae ni Garong nga ro driver it kotse, nga isaeang Brazilian national, nga gaistar igto sueod it masobrang 10 dag-on eon, hay gin palaya halin sa kustodiya it pulisya ku Lunes, kasunod it pakikipag-ayos sa pamilya it biktima.//LABYRINTH R. BAYONA

Photo credit: Police Station 4