KALIBO, AKLAN—Fully vaccinated eon si Governor Florencio Miraflores kaibahan do pilang alkalde sa probinsya it Aklan.
Nabaton ni Governor Miraflores do anang second dose it Sinovac vaccine kahapon, May 31, 2021 sa ABL Sports Complex kaibahan do alkalde it mga banwang Batan, Numancia, Tangalan, Ibajay, Makato, Lezo ag Madalag.
Sa ana nga mensahe, ginpaabot it opisyal do importansya nga mabakunahan eabi eon sa mga kapareho nana nga senior citizen.
Samtang, target man it Provincial Health Office-Aklan nga mabakunahan do 12,576 nga front liners ag health care workers sa idaeom it A1 eligible priority group ag 55,362 sa A2 o do mga senior citizens. // SHERRY ANNE REUNIR-VIDAL
