LEGAZPI CITY – Nasa kamot na kan mga otoridad an lalaking naarestar kasuodma, Oktubre 25, 2022, sa kasong may kinaraman sa panghahabon sa P-3, Brgy. Poblacion, banwaan kan Rapu-rapu, Albay.
Binisto an suspetsado na si alyas “Arnel”, 29 anyos, warang agom, asin residente kan P-6, Brgy. Mancao, sa nasambitan na banwaan.
Susog sa report, naarestar an suspetsado sa kusog kan mandahemiento de aresto na pirmado pa kan Mayo 10, 2022 huli sa kasong “Qualified Theft”.
Maabot P40,000 an pigrekomendar na piyansa kan korte para sa saiyang temporarmenteng libertad.
Dinara an suspetsado sa Rapu-rapu MPS para sa magkakanigong disposisyon.
