NABAS, AKLAN—Arestado do daywang ka mga eaeaki matapos nga illegal nga nag-transport it petroleum products kabii.
Ginkilaea do mga raya nga sanday Lean Jay Tambagahan, 24 anyos ag Enrique Lapuz, Jr., 28 anyos nga tanan residente it Brgy. Jinalinan, Pandan, Antique.
Suno kay Police Corporal Andrew Andrade it Nabas MPS, nakabaton sanda it impormasyon nga may magaagi nga pick-up sakay do mga suspek ag may kargang petroleum products kung siin insigida man nga nagpatigayon it checkpoint do mga pulis ag na-intercept do mga raya sa bahin it Brgy. Poblacion, Nabas, Aklan.
Angot kara, narekober it mga pulis do 41 container nga katumbas it 880 liters it gasolina ag krudo.
Sa makarun hay kulong do daywa sa Nabas PNP ag nakataeana nga pasakaan it kasong pag-eabag sa PD 1865 o Illegal Transport of Petroleum Products sa adlaw it Lunes. // SHERRY ANNE REUNIR-VIDAL
