Nagakinahangean makara it dugang nga pondo ro Department of Social Welfare and Development (DSWD) Western Visayas para ma-accommodate ro mga kwalipikado nga benepisyaryo it educational cash aid.
Base sa kumpirmasyon ni Atty. May Rago-Castillo, DSWD regional information officer, umabot eun sa kabioegan nga P101.3 milyon ro ginpaguwa nga pondo para sa 36,131 student beneficiaries sa mga nagtaliwan nga payout.
Dugang pa nana, ginpaabot eun nanda ro problema sa kakulangan it pondo sa DSWD central office ag nagahueat eamang sanda it sabat angot dikara.
Sa presente, maabo pa nga mga registrant ro uwa nataw-an it schedule para sa assessment ag payout bangud sa mabahoe nga numero it mga online registrants sa bieog nga rehiyon./JIL B. LACSON
