Nagpaguwa it Executive Order No. 26 series of 2022 ro lokal nga gobyerno it Malay angot sa direktiba ni Pangulong Ferdinand Marcos, Jr. sa boluntaryo nga pagsuksok it face mask sa bieog nga nasyun.
Kasunod sa pagpaguwa it EO, indi eun kinahangean magsuksok it protective mask ro mga turista ag bisita sa mga low-risk settings sa isla it Boracay.
Bukon man it mandatory ro pagsuksok kara sa mga pampubliko nga lugar sa mainland Malay pero bukon raya ibig sabihin nga uwa eun it banta ro COVID-19 virus.
Ginakumbinse gihapon ro publiko kapin pa ro mga indibidwal nga masobra sa 60 dag-on, mga uwa nabakunahan ag immunocompromised nga magsuksok gihapon it facemask para malikawan ro banta nga daea it COVID-19 virus./JIL B. LACSON
