Bahagyang humina ang Bagyong “INDAY” na huling namataan sa 415 km Northeast ng Itbayat, Batanes.
Taglay nito ang maximum sustained winds na 155 km/h malapit sa gitna at pagbugsong aabot sa 190 km/h.
Patuloy itong kumikilos pa-Hilagang Hilagang Kanluran sa bilis na 10 km/h.
Ang Metro Manila at nalalabing bahagi ng bansa ay makakaranas ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa trough ng bagyong Inday at localized thunderstorm.
Pinag-iingat pa rin ang mga residente sa posibleng mga flash flood o landslide sa panahon ng matinding pagkidlat-pagkulog at ulan.
