IPADANGAT sa City Administration Office ang mahitungod sa wala na gaganar nga water waste treatment facility sa GenSan nga anaa duol sa roundball sakop sa Brgy.Bula.
Kini ang gibutyag ni Central Public Market Administrator Lito Esclamado luyo nga sa sinugdanan ang City ENRO matud pa ang may dakong papel sa pagmintina, pag-monitor sa maong pasilidad.
Sa umpisa sa pagsugod sa operasyon sa water waste treatment facility angayan nga napaklaro kinsa ang mudumala hangtud naabtan nga nadaut na.
Samtang gipaniguro ni Kagawad Beth Bagonoc nga chair sa Health and Sanitation ingon man Climate Change Adaptation and Environment nga long overdue na matud pa ang maong problema ug angayan na nga masulbad sa mas daling panahon tungod kinahanglanon kini.
Segun niini, ipasuta ang kondisyon sa naasuyng pasilidad aron nga magamit ug sa musunod nga mga adlaw sutaon unsa ang angayang buhaton.
Una na usab gipasalig ni City ENRO head Allan Marcilla nga hisgutan nila sa City ENRO, City Engineers Office, City Public Market Administrator ug City Administration Office ang problema sa dili na fully functional nga water waste facility sa GenSan.
