Altavas, Aklan – Arestado ro sangka wanted person halin sa Brgy. Man-up, Altavas, Aklan.
Naaresto raya sa Sampaloc, Manila it gintingob nga pwersa it Altavas PNP, Regional Intelligence Unit/Provincial Intelligence Team, Counterintelligence Division, IG and Kalibo Airport Police Station, AVSEU 6, AVSEG may kaangtanan sa “ONE TIME, BIG TIME ACCOMPLISHMENT”.
Suno kay ACOP Altavas MPS PLT Ryan Batadlan, Policarpio, ro wanted person nga si Gabriel Policarpio y Dalida, hay may standing warrant of arrest para sa kaso kara nga Attempted Homicide nga gin isyu ni Hon. EVA VITA V. TAAY TEJADA- Presiding Judge, 6th MCTC it Altavas ag Balete, Aklan.
May piyansang gin rekomenda ro korte nga P12,000 para sa anang temporaryong kahilwayan. / ANN DESLENE SALAZAR
