Kinumpirma ng manager ni Binibining Pilipinas 2022 1st runner-up Herlene Budol na lalaban ang kanyang alaga sa international pageant.
Ang Miss Planet International 2022 ay gagawin sa Uganda sa November 19.
Una nang sinabi ni Wilbert Tolentino, na malayo pang matapos ang journey ni Budol bilang beauty queen, dahil target pa ng comedienne at social media star ang international pageants.
Si Budol ay nagtapos bilang first runner-up sa Binibining Pilipinas 2022 pageant, para sa unang sabak nito sa beauty pageant.
