Kaeahadlok ro ginsapit it sambilog ka misis sa Sitio Kabalig, Barangay Klubi, Lake Sebu, South Cotabato sa alima it anang asawa matapos raya nga gibuno ag ginpugutan it ueo bangud eamang sa selos.
Ro biktima hay ginkilaea nga si Marina Klanding Kuyan, sa legal nga edad ag ro suspek man sa pagpatay hay si Julie Kabansil Kuyan, 44 anyos, mga residente it nasambitan nga lugar.
Base sa imbestigasyon it mga kapulisan, selos ro nakita nga motibo sa pagpatay ag bago pa man ginpugutan it ueo ro biktima, pilang beses pa segun nga gin-eabo ro eawas kara.
Matapos ro karumal-dumal nga krimen, insigida nga nagpalagiw ro suspek pero nadakop man sa ginkasa nga hot pursuit operation it mga otoridad.
Sa presente, naka-detain sa estasyon it pulisya ro suspek ag nagahueat it kaso nga ipasaka kuntra kana./JIL B. LACSON
