Nakiisa kaina it agahun ro pamunuan it Aklan Police Provincial Office (APPO) sa pagpamuno ni PCOL CRISALEO L TOLENTINO, Provincial Director sa pagdumdom sa Araw ng mga Bayani 2022 pinaagi it Flag Raising Ceremony.
Simpleng programa ro ginhiwat nga sinundan it pagtao it award sa mga nagakadapat nga tawuhan it PNP.
Ro mga masunod nga Municipal Police Stations nga gintaw-an it award sa nasambit nga aktibidad hay ro Malay Municipal Police Station sa madinaeag-on nga manhunt operation sa bisa it warrant of arrest para sa kasong Qualified Trespass to Dwelling.
Gintaw-an man it award ro Numancia Municipal Police Station sa madinaeag-on nga Police Operation sa kampanya kontra sa Illegal Gambling; Tangalan Municipal Police Station sa madinaeag-on nga manhunt operation sa bisa it warrant of arrest para sa kasong Estafa ag Batan Municipal Police Station para sa madinaeag-on nga manhunt operation para sa kasong Rape.
Ro nasambit nga pasidungog hay gintao it Command Group ag nabatun it tagsa nanda ka Chief of Police.
Samtang, ginbasa man ni PCOL CRISALEO L TOLENTINO, Provincial Director it APPO ro mensahe it Punong Pambansang Pulisya ng Pilipinas para sa 2022 National Heroes Day Celebration. / ANN DESLENE SALAZAR
