NAGA CITY- Sugatan ang 67-anyos na ginang matapos na saksakin ng kaniyang sariling anak sa Naga City.
Sa ulat ng PNP nangyari ito bandang alas – 6:45 kaninang umaga August 28, 2022 sa Brgy. Concepcion Pequeña.
Kinilala ang biktima na si Elizabeth Francisco y Bringuela. Pumasok sa bahay ang nasa impluwensya ng alak na anak na si
Hegino Francisco y Bringuela, 38-anyos binata ng parehong lugar.
Kinumpronta ng suspek ang ina sa dati nang problema sa pamilya at nauwi sa pananaksak ng magkailang beses.
Dinala na sa ospital ang biktima.Ayon kay PSMS Toby Bongon, tagapagsalita ng Naga City Police Office anim na mababaw na sugat ang natamo ni Elizabeth.
Patuloy na tinutugis ang suspek.
