Iniulat ng Department of Education na nasa 99.54% ng mga pampublikong paaralan sa bansa ang nagpapatupad ng 5 araw na in-person classes.
Ayon kay DepEd Spokesperson Michael Poa, ang pagsasagawa ng full face-to-face classes partikular sa mga pampublikong paaralan ay nananatiling patakaran ng DepEd sa gitna ng mga concerns tungkol sa mga bagong Covid-19 subvariants.
Inatasan ng DepEd ang lahat ng paaralang nag-aalok ng basic education na bumalik sa full face-to-face person classes simula November 2, 2022 maliban sa mga pribadong paaralan at ilang pampublikong paaralan na may “exceptional” circumstances.
Lumabas sa datos ng DepEd na mayroong 47,612 pampublikong paaralan sa buong bansa noong School Year (SY) 2021-2022.
