GIHATAGAN og pasidungog ang siyam ka mga pulis sa rehiyon dungan sa gipahigayong flag raising ceremony sa grandstand sa Police Regional Office o PRO-12, Lunes Pebrero 6.
Gipangunahan ni PBGen.Rolando Destura, Deputy Regional Director for Administration sa PRO-12 ang paghatag og pasidungog.
Ang mga nakadawat sa Medalya ng Kagalingan mao silang PLt Col. Ruben dela Rama Ramos, Patrolman Roland Catisay Baring ug Patrolman Jimson Degala Osuno alang sa meritorious performance atol sa pagsilbi sa warrant of arrest batok kang Ricky Romero Taruc, Most Wanted Person – Station Level sa kasong rape, Pebrero 2 sa Arriola Street, Barangay Bula.
Ang ubang gipasidunggan mao silang PMaj June Rric Barrete Deguito, PCpl Roy Allem Pansacala Talaugon ug PCpl John Kenneth Banson Caldo sa meritorious performance atol sa pag-serve sa warrant of arrest batok kang Ysajanie Zolina, Top 2 Most Wanted Person- City Level sa kasong statutory rape niadtong December 25, 2022 sa Block 1, Teachers Village, Brgy. Calumpang, GenSan.
Samtang silang PCpt Mingfie Sembrano Santillana, PMSg Erwin Balaoing Ardivilla ug PCpl Joemar Cobrador Mansilla, Jr. ang gipasidunggan sa ilang maayong performance sa pagsilbi sa warrant of arrest batok kang Norlyn Tumanda, Top 1 ug Top 8 Most Wanted Person – Municipal and Provincial Level, sa kasong syndicated estafa, Enero 6, 2023 sa Brgy. Kalawag 3, Isulan, Sultan Kudarat.
Photo by PRO 12
