GIDUSO na sa kapulisan sa piskalya ang kasong infanticide batok sa manag-uyab nga menor de edad human gitudlo nga milabay sa patay na nga bag-ong himugsong bata.
Segun ni PLt Sherwin Cervera, deputy chief of police nga nadakpan ang manag-uyab sa hot pursuit operation ug sa tabang sa mga barangay officials.
Ang duha ka batan-on ang gi-turn over sa MSWD sa Polomolok.
Matud sa inisyal nga imbestigasyon sa kapulisan, gibutyag nga nahulog ang bata ug namatay.
Gibutang sa karton ug gilabay sa bakanteng lote sa Purok Paglaum, Barangay Upper Klinan, Polomolok, South Cotabato alas 6:35 sa buntag Dominggo, Pebrero 5.
Dugang sa report sa kapulisan, usa ka driver nga nakaagi sa lugar ang maoy nagpahibalo kanila kalabot sa nakit-ang patayng bata ug girespondihan.
Gipailalom na sa autopsy ang bata aron masayran ang hinungdan sa kamatayun niini.
