Dakop ro waeo tanan ka persona it New Washington PNP bangud sa illegal gambling.
Sa mga nadakpan, 3 kara ro babaye nga nadakpan nga nagahampang it tong-its sa Brgy. Polo, New Washington, Aklan.
Narekober ro pusta nga 113 pesos ag baraha.
Samtang nakadakop pa gid it 5 ka mga eaeaki nga nagahampang it pool sa may Brgy. Polo sa nasambit nga banwa.
Narekober sa mga nadakpan ro pusta nga 575 pesos, taco, poll chips ag iba pa.
Ro waeo ka mga nadakpan hay kulong eon sa New Washington PNP ag paga plastaran it kaso angot sa Anti-Illegal Gambling Law. / ANN DESLENE SALAZAR
