Matagumpay na nasagip ng rescue team ng Botolan, Zambales ang walong guro na na-stranded sa lahar area kahapon.
Ang mga guro ay mula sa Maguisguis Integrated School at Burgos Elementary School kung saan nakatalaga ang mga ito.
Ayon kay MDRRM Officer Andy Divino, dapat tuwing Byernes ay umuuwi ang mga ito sa kabayanan subalit dahil walang tigil ang pag-ulan hanggang kahapon ay naantala ang mga ito at ubos na rin ang kanilang budget.
Kinuha ng rescue team ang mga guro sa isang tindahan sa lugar at ligtas na nakauwi sa kanilang mga tahanan kasama ang isang kalabaw.//Jen Bayot-BNFM OLONGAPO
PHOTO: MDRRM Botolan
